Welkom!

Die Christen Gemeenskapsbediening (gestig in 2016) het een eenvoudige hartklop: om elke individu, familie en gesin nader aan Christus Jesus te lei.

Vir ons gaan dit nie oor lidmaatskap van ’n bediening of ’n spesifieke gemeente nie. Dit gaan daaroor dat elke persoon ’n ware lid van die Liggaam van Jesus Christus sal wees – dít is vir ons die belangrikste.

Die naam van ons bediening dra geen gewig op sigself nie; dit beskryf bloot wie ons is en wat ons doen: ’n bediening in Christus, wat die gemeenskap vanuit Christus bedien.

Ons verwelkom elkeen:

·       lidmate van enige kerk,

·       mense wat nie aan ’n kerk verbonde is nie,

·       en selfs dié wat nog op soek is.

Ons fokus is Christus alleen, en daarom strek die bediening oor kerk- en gemeentegrense heen. Ons is geroep om die Waarheid van die Evangelie te deel, sodat ’n Christen-gemeenskap van gelowiges kan groei — waar mense, net soos in Antiochië (Hand. 11:26), met reg Christene genoem kan word. Alles tot Sy eer!